Новинарот Фуркан Салиу доби кривична пријава по инцидентот на фудбалскиот натпревар

Новинарот Фуркан Салиу доби кривична пријава по инцидентот во неделата кога беше приведен за време на фудбалски натпревар во селото Средно Коњаре. 

Кривичната пријава е против него и уште едно лице Н.Ј., за сторено кривично дело „Спречување службено лице во вршење службено дејствие“ по членот 382 од Кривичниот законик кој предвидува парична казна или затворска казна до три години. Салиу вели дека е сигурен оти истражните органи нема да можат да го докажат делото, но можно е да биде оневозможено работење на порталот:

-Најверојатно ќе се бара претрес во просторите на ПорталХ и во моето живеалиште.

Делото не верувам дека можат да го докажат меѓутоа најверојатно работата на ПорталХ ќе биде оневозмоена одреден период. Ги повикуваме сите релевантни институции, меѓународните организации добро да пазат како ќе се одвива целата ситуација, вели Салиу на неговиот Фејсбук профил.