МНР: Еден патник е задржан во болница, 11 се пуштени дома по вчерашната несреќа во Италија

Еден патник бил задржан во болница додека пак другите 11 патници биле пуштени дома, во врска со вчерашната сообраќајна несреќа на автобусот со македонски туристи во Италија.

« Во врска со вчерашната сообраќајка во Италија, Министерството за надворешни работи преку Амбасадата во Рим доби информации дека по соодветна лекарска помош за добиените лесни повреди во болница во градот Сан Бенедето дел Тронто 11 патници, државјани на Северна Македонија во текот на вчерашниот ден беа пуштени дома во добра здравствена состојба. Додека 12-тиот патник, наш државјанин се наоѓа во болница во Анкона, каде што во текот на денешниот ден ќе има хируршка интервенција за добиените повреди во нога и рака, велат од МНР.

Министерството преку Амбасадата во Рим останува во континуирана комуникација со надлежните италијански институции, кои работат на целосно расчистување на случајот