Маж почина откако се самозапали пред њујоршката судска зграда каде се одржуваше судењето на Доналд Трамп за замолчување пари.
Ен-Би-Си Њуз и други американски медиуми соопштија рано во саботата дека мажот починал. Ен-Би-Си Њуз ја цитираше њујоршката полиција која вели дека болницата во која бил однесен мажот го прогласила за мртов.
Официјални лица претходно изјавија дека мажот, кој имал 30-ти години, е во критична состојба.
Полициската управа во Њујорк соопшти дека човекот, кого го идентификуваа како Макс Азарело од Сент Августин, Флорида, не изгледа дека го таргетирал Трамп или другите вклучени во судењето.
Сведоците рекле дека мажот извадил памфлети од ранец и ги фрлил во воздух пред да се полие со течност и да се запали. Еден од тие памфлети вклучувал референци за „злобните милијардери“, но во нив не бил спомнат Трамп.
