Претседателот на Движењето Беса и дел од албанската опозициска коалиција „Влен“, Биљал Касами изјави дека веќе е најавено- нивната коалиција ќе биде дел од идната влада. Вели дека со таа влада, па дури и со ВМРО-ДПМНЕ, полесно ќе се изгласат уставните измени- нивната коалиција е „гарант на уставните измени и унапредувањето на правата на Албанците“.
“Ќе има европска влада, влада во која коалицијата „Влен“ веќе е најавено дека ќе биде дел. Во таа влада, се разбира, кажавме и кажуваме дека го гарантираме интегрирањето на земјата во ЕУ и унапредувањето на правата на Албанците. И претходно имаме кажано дека во таква влада ќе биде многу полесно, дури и ако ВМРО-ДПМНЕ е во таа влада или која било политичка партија, треба да се изгласат уставните измени. Затоа, кога велиме дека ќе се изгласат уставните измени и ќе се изгласат. Ние не сме како ДУИ која за 10 години коалицинирање со ВМРО-ДПМНЕ не направи ниту најмал чекор кон интеграција во Европската Унија, рече тој.
